wazz up, wazz up Garci

 

 

      Bago mo simulang basahin ang artikulong ito, siguruhin mo munang manipis ang suot mong t-shirt o palakasan ang volume ng electric fan or aircon niyo dahil baka bubuhos ang isang tangke mong pawis dahil sa sobrang init na nanggaling sa loob nito. Pakisara rin ang mga bintana’t pinto at baka liparin kayo ng hangin… For formality, nais ko munang sabihin na maikli lang yung coverage ng midterm exam namin kaya heto ako ngayon nagba-blog… Hindi lang dahil gusto ko lang magstambay at magpapalipas oras…

    May pagkakataon talagang tayo’y napapagod at di natin yun mapigilan, para bagang voluntary muscle. Pagod narin ako sa mga pangyayari at kabibigay ng mga komento sa mga pangyayari sa bansa, kung saan sangkot ang mga matataas na opisyal… Kaya’t hayaan muna natin ang mga pambansang isyu dahil marami rin naman akong balita sa buhay ko… Nga pala, dinuktor daw ang Hello Garci ayon kay DENR secretary Mike Defensor… ngunit si Garcillano at large pa rin at nawawala. Talagang naguguluhan na ako kasi inamin na diba ni PGMA na siya ang nasa Hello Garci tape? So, ano ngayon ang point? Kala ko tinuldukan na ito, may comma pa pala. Eniwey, ang punto ng artikulong ito ay iikot muna sa inyo dahil kayo nga naman (kahit masakit sa loob) ay nagtatiyagang nagbabasa ng blog na ‘to.

    Ang inyo pong lingkod ay isang nursing student at nagaaral sa isang pribadong paaralan. Bitbit ko ngayon ang pangamba dahil ang daming bayarin. Kahapon binili ko ang “Nurses Pocket Dictionary” at limandaang piso rin yun at kanina lamang ay ang mga nursing paraphernalias para sa return demonstration namin next, next week… Kaya halos langit ang lundag ko nang nalaman kong magsusuot na kami ng Type C nursing uniform. Sa wakas, mukhang nurse na ako nito. Matapos ang isang taon  ng Associate in Health and Science na kurso… Heto na ako’t Bachelor of Science in Nursing stude na.

    Kahapon kasama ang ermat ko’y kinuha namin ang perang diniposito ng tiyuhin ko sa bangko. Wala pa kasi akong bank account dahil sa wala akong pagkakataong pupunta sa Metrobank at mag-open ng ATM account. At kahiya-hiya mang sabihin, wala akong kaalam-alam sa mga transactions at kung anu-ano pa sa bangko… Tatlong beses na rin akong pabalik-balik sa metrobank at hindi pa ako nakakakuha ng bank account.. Kaya’t kahapon, ine-require ng bangko na mag-open ako nga account. Sa mga pangyayaring iyon, halos dalawang class session rin ang namiss ko. Pero maya-maya’y nalaman kong di pala sila nag-quizz, instead ibinigay lang ang mga pointers para sa exam. Mahigit tatlong oras kasi ang naconsume ko para lamang makakuha ng ATM account. Pumunta pa kasi ako sa BIR para kumuha ng TIN number…

    Kahapon rin nalaman kong may nakakaalam pala sa username at password ng gmail account ko.. Wala rin naman akong planong baguhin dahil maya-maya’y nalaman kong kaibigan ko lang ang may gawa nun… Ang sabi naman niya’y di na niya uulitin at hinding-hindi niya ipagkalat and username at password ko… Okay lang sakin yung kasi naman first time ko palang naexperience niyon kaya kung mauulit man ang pangyayaring ito, that’s the time I’ll change my accounts sa e-mail o sa blog ko…

    Sa katatapos na pagpupulong ng mga Paramedical officers sa school namin, ang isa sa pinakamainit na isyu na lumabas ay ang pagsusuot ng barong tagalog para sa mga kalalakihan at ala- Maria Clara naman para sa mga babae ngayong darating na pampinid na palatuntunan ng Buwan ng Wika ngayong ika-26 ng Agosto. Ang sino mang lalabag sa ordinansang ito’y pagmumultahin ng isandaang piso.. Wow! This is exciting…. Aabangan ko ‘to kasi mistulang box office hits ang comment dito…

    Dalawang subject lang yung exam namin bukas kaya mags-study na naman ako nito mamayang gabi. Pero nasimulan ko nang mag-study nung Linggo pa kaya’t kunting review na lang mamaya. Mas mabuti kasi yung advance kung magstudy dahil malay natin, magbrown out., E di tayo maka-study…

     Mula ito sa header image ni kingdaddyrich at aking napagtanto- Oo nga, ano? The more you study, the more you know- tama! The more you know, the more you forget- tama… The more you forget the less you know, so why study?- tama! Pero para sakin culture na natin kasi ang ganito. Di natin maikaila na kailangan nating mag-study para makakuha ng high grade sa test, quiz o exam… Matapos nating mag-study at ang pagsubok, kinakalimutan na natin agad kung ano yung napag-aralan natin. Pero may tinatawag rin kasi tayong rote memorizing. Kung baga, nagmememorize tayo for the sake na may ma-answer pero di natin naiintindihan. Kaya better read the lesson at intindihin…At makakaasa kayong ganito ang gawin ko para sa exam bukas… Tama na ang pagmeme-memorize, ang importante’y naiintindihan ang lesson. Kasi kapag ito ang gawin, di na natin makalimutan.